अकोल्यात केंद्रीय विद्यालयाची प्रवेशप्रक्रिया लवकरच सुरू होणारखासदार अनुप धोत्रे यांच्या प्रयत्नांना यश, संजय भाऊंचे स्वप्न साकार

अकोल्यात केंद्रीय विद्यालयाची प्रवेशप्रक्रिया लवकरच सुरू होणार

खासदार अनुप धोत्रे यांच्या प्रयत्नांना यश, संजय भाऊंचे स्वप्न साकार

*अकोला, दि. 9:* अकोला येथे *केंद्रीय विद्यालय* सुरू करण्यास केंद्रीय विद्यालय संघटनेची मंजुरी व अधिसूचना जारी करण्यात आली आहे. त्यामुळे अकोल्यातील विद्यार्थ्यांना गुणवत्तापूर्ण शिक्षणाची सुविधा उपलब्ध होणार आहे.

*खासदार अनुप धोत्रे यांचे प्रयत्न आणि माजी केंद्रीय मंत्री संजय भाऊ धोत्रे यांची स्वप्नपूर्ती* पूर्ण करण्याच्या दृष्टीने जिल्हा प्रशासनाने कामाला गती दिली आहे. केंद्र आणि राज्य शासनाच्या आदेशाने *जिल्हाधिकारी श्रीमती वर्षा मीना* यांनी पुढाकार घेत आज जिल्हाधिकारी कार्यालयात महत्त्वाची बैठक घेतली.

*बैठकीतील महत्त्वाचे निर्णय:*

1.  *तात्पुरती जागा:* यंदा प्रवेशासाठी *हरिहरपेठेतील जि.प. शाळेची जागा* तात्पुरत्या स्वरूपात निश्चित. लवकरच शाळा सुरू होणार.

2.  *कायमस्वरूपी इमारत:* *गुडधी येथे* कायमस्वरूपी इमारतीसाठी जागा मंजूर असून तिथे इमारत निर्माण होणार आहे.

3.  *प्रवेश:* पहिल्या टप्प्यात *इयत्ता 1 ली ते 5 वी* पर्यंत वर्ग सुरू. प्रत्येक वर्गाची क्षमता *40* विद्यार्थी.

4.  *सूचना:* जिल्हाधिकारी यांनी कार्यालय व वर्ग सुसज्ज करावे, आवश्यक साहित्याची तजवीज ठेवावी व तांत्रिक प्रक्रिया जलद गतीने पूर्ण करावी असे निर्देश दिले. प्रवेशप्रक्रियेची माहिती व तारखा लवकरच जाहीर होतील, असे *प्राचार्य श्री. बालाजी मारकवार* यांनी सांगितले.

*उपस्थिती:* बैठकीला जि.प. मुख्य कार्यकारी अधिकारी *अनय नावंदर*, निवासी उपजिल्हाधिकारी *गजेंद्र मालठाणे*, शिक्षणाधिकारी *रतनसिंग पवार*, सा.बां. कार्यकारी अभियंता *प्रसाद पाटील* आदी अधिकारी उपस्थित होते.

*खासदार अनुप धोत्रे यांची सक्रियता पुन्हा सिद्ध* झाली असून त्यांच्या पाठपुराव्यामुळेच अकोल्याला केंद्रीय विद्यालय मंजूर झाले आहे.

---