“जागतिक पातळीवर महाराष्ट्राच्या पर्यटन सामर्थ्याची ठळक नोंद” – पर्यटन मंत्री शंभूराज देसाई

“जागतिक पातळीवर महाराष्ट्राच्या पर्यटन सामर्थ्याची ठळक नोंद” – पर्यटन मंत्री शंभूराज देसाई

मुंबई, दि. 3 मे : महाराष्ट्र दिनानिमित्त राज्याच्या पर्यटन क्षमतेला जागतिक व्यासपीठावर ठळकपणे मांडण्याच्या दृष्टीने महत्त्वपूर्ण पाऊल उचलण्यात आले असून *अमेरिकेतील न्यू यॉर्क येथील टाइम्स स्क्वेअर येथे महाराष्ट्र पर्यटन विभागाची माहितीपर जाहिरात झळकली* आहे.

महाराष्ट्राचे *मा. मुख्यमंत्री देवेंद्र फडणवीस* साहेब व *मा.उपमुख्यमंत्री एकनाथजी शिंदे* साहेब आणि *मा.सुनेत्राताई पवार* यांच्या मार्गदर्शनाखाली राज्याच्या पर्यटन क्षेत्राचा जागतिक स्तरावर प्रभाव वाढविण्याच्या दृष्टीने हा उपक्रम राबविण्यात आला आहे.

जगातील सर्वाधिक गजबजलेल्या आणि प्रभावी व्यावसायिक केंद्रांपैकी एक असलेल्या या ठिकाणी दररोज लाखो पर्यटकांची वर्दळ असते. त्यामुळे अशा प्रतिष्ठित जागतिक व्यासपीठावर महाराष्ट्राची उपस्थिती नोंदविणे ही राज्यासाठी अभिमानाची बाब ठरली आहे, अशी माहिती राज्याचे पर्यटन मंत्री शंभूराज देसाई यांनी दिली.

या उपक्रमाबाबत माहिती देताना *देसाई म्हणाले की, महाराष्ट्राची पर्यटन क्षमता जागतिक स्तरावर अधिक प्रभावीपणे पोहोचवण्याच्या दिशेने हा महत्त्वपूर्ण टप्पा आहे. टाइम्स स्क्वेअर सारख्या जागतिक प्रतिष्ठेच्या ठिकाणी महाराष्ट्र पर्यटनाची जाहिरात झळकणे म्हणजे आपल्या राज्याच्या पर्यटन सामर्थ्याची जागतिक पातळीवर ठळक नोंद आहे. यामुळे अधिकाधिक आंतरराष्ट्रीय पर्यटक महाराष्ट्राकडे आकर्षित होतील आणि राज्याच्या आर्थिक प्रगतीला गती मिळेल.*

महाराष्ट्रातील समृद्ध सांस्कृतिक वारसा, ऐतिहासिक किल्ले, निसर्गसंपन्न पर्यटनस्थळे, समुद्रकिनारे आणि आधुनिक शहरी पर्यटन यांची प्रभावी मांडणी या जाहिरातीद्वारे करण्यात आली आहे. टाइम्स स्क्वेअर हे जागतिक स्तरावर पर्यटन, मनोरंजन, व्यापार आणि डिजिटल जाहिरातींचे प्रमुख केंद्र असल्याने येथे झळकणाऱ्या जाहिरातींना जगभरातून मोठे लक्ष मिळते. परिणामी, महाराष्ट्राच्या पर्यटन स्थळांना आंतरराष्ट्रीय स्तरावर व्यापक प्रसिद्धी मिळण्यास मदत होणार आहे.

महाराष्ट्रातील विविधतेने नटलेली पर्यटन स्थळे आंतरराष्ट्रीय पर्यटकांसाठी आकर्षण केंद्र ठरत असून, अशा जागतिक पातळीवरील उपक्रमांमुळे राज्यातील पर्यटन क्षेत्राला चालना मिळणार आहे. यामुळे स्थानिक अर्थव्यवस्थेला बळकटी मिळून रोजगारनिर्मितीलाही चालना मिळेल, असा विश्वास देसाई यांनी व्यक्त केला.

महाराष्ट्र पर्यटन विभागाचा हा उपक्रम *‘अद्वितीय महाराष्ट्र’* या ब्रँडची जागतिक पातळीवर दृढ ओळख निर्माण करण्याच्या दिशेने एक प्रभावी पाऊल ठरत आहे.

*आमच्या बद्दल*

महाराष्ट्र पर्यटन आणि सांस्कृतिक कार्य विभागची ३१ मे २०१६ रोजी स्थापना झाली. राज्याचा समृद्ध सांस्कृतिक वारसा जपण्यासाठी आणि पर्यटन क्षेत्र अधिक बळकट करण्याच्या उद्देशाने या विभागाची स्थापना करण्यात आली. पर्यटन आणि संस्कृती यांची नाळ एकमेकांशी घट्ट जोडलेली आहे. कारण ऐतिहासिक स्मारके, लोककला आणि स्थानिक परंपरा या केवळ सांस्कृतिक ठेवा नसून पर्यटन आकर्षण म्हणूनही ओळखल्या जातात. हेच लक्षात घेऊन महाराष्ट्र सरकारने धोरणात्मक निर्णय घेण्यासाठी आणि या क्षेत्रांचा सर्वांगीण विकास साधण्यासाठी स्वतंत्र मंत्रिमंडळ स्तरावरील विभाग स्थापन केला.

सदर विभाग महाराष्ट्रातील अद्वितीय कला प्रकार, परंपरा आणि ऐतिहासिक स्थळे जपण्यासाठी, त्यास प्रोत्साहन देण्यासाठी आणि त्यांची जागतिक स्तरावर ओळख निर्माण करण्यासाठी कार्य करतो. तसेच, सांस्कृतिक देवाणघेवाण वाढवून, पर्यटन विकासाला चालना देऊन हा विभाग राज्याच्या सामाजिक आणि आर्थिक प्रगतीमध्ये महत्त्वाचे योगदान देत आहे. सदर विभागाच्या प्रयत्नांमुळे महाराष्ट्र राज्य केवळ एक पर्यटन स्थळ म्हणूनच नव्हे, तर एक जिवंत संस्कृती आणि वारसा असलेले राज्य म्हणून अधिक समृद्ध आणि आकर्षक बनत आहे.

Official Resources:

Visit maharashtratourism.gov.in for detailed information.

Visit www.mtdc.co for bookings.

Plan your trip at mahaatithi.org

Need help? Reach out via chatbot (+91 94038 78864) for quick assistance.

 

Contact Details:

Vinit Toke 

M:+91 8108260458

E: vinit@conceptpr.com

Kiran Jadhav 

M:+91 9769479937

E: kiran@conceptpr.com

Priyanka Shinde

M: +91 84335 78070

E: priyanka.shinde@conceptpr.com

Pranav Gaikwad 

M: +919607704781

E: pranav@conceptpr.com

-----------------------------------------------------------------------------------------